Qonda aylanib yuradigan barcha oqsillarning umumiy miqdori. Agar siz yetarli miqdorda oqsil qabul qilsangiz, jigaringiz, buyraklaringiz va boshqa organlaringiz to'g'ri ishlaydi va immunitet tizimingiz viruslar va bakteriyalarga qarshi kurashadi. Ushbu ko'rsatkichdagi o'zgarishlar metabolizm va umuman salomatlik holatini baholash uchun ishlatiladi.

Mushaklar tomonidan har kuni ishlab chiqariladigan va buyraklar tomonidan chiqariladigan oqsil metaboliti. Agar buyrak faoliyati buzilgan bo'lsa, kreatinin qonda qoladi, bu organning yallig'lanishini, diabet, gipertenziya va boshqa kasalliklar tufayli shikastlanishni ko'rsatishi mumkin.

Buyraklar tomonidan har kuni filtrlanadigan va chiqariladigan oqsillarning parchalanish mahsulotlaridan biri. Mochevina darajasining me'yordan chetga chiqishi buyrak va jigar kasalliklarini, muvozanatsiz ovqatlanishni va metabolik kasalliklarni ko'rsatishi mumkin.

Asosan buyraklar tomonidan chiqariladigan oqsil metabolizmining mahsuloti. Metabolik kasalliklar (podagra), buyrak faoliyati buzilishi yoki noto'g'ri ovqatlanish holatlarida ortiqcha siydik kislotasi bo'g'imlarda yoki siydik pufagida to'planib, artrit va siydik tosh kasalligiga olib keladi.

Aminokislotalar metabolizmida ishtirok etadigan jigar va buyraklarning asosiy fermentlaridan biri. ALT ularni hujayralar uchun asosiy energiya manbai bo'lgan glyukozaga aylantiradi. Jigar shikastlanganda, ferment qonga ajralib chiqadi va hali hech qanday belgilar bo'lmagan dastlabki bosqichda organ disfunksiyasining belgisi bo'lib xizmat qiladi.

Asosan jigar va yurak hujayralarida bo’ladigan ferment. Yuqori AST darajasi jigar faoliyatining buzilishining belgisi bo'lib xizmat qiladi. Odatda, qondagi AST darajasidagi o'zgarishlar xarakterli belgilar paydo bo'lishidan oldin sodir bo'ladi.

Murakkab uglevodlarni oddiy uglevodlarga parchalaydigan oshqozon osti bezi fermenti. Odatda, qonda uning miqdori juda oz, chunki u deyarli butunlay ichaklarda ishlatiladi. Konsentratsiyaning ortishi - oshqozon osti bezi patologiyasining belgisi va kamroq hollarda so’lak bezlarining noto'g'ri ishlashi natijasida.

Jigar, oshqozon osti bezi va o't yo'llari hujayralarida topiladigan ferment. Uning darajasi kanallardagi o’t dimlanishi, tez-tez spirtli ichimliklarni iste'mol qilish tufayli ortadi, bu esa jigar hujayralarida, masalan, gepatitda parchalanish yoki gepatozda yog’li o'zgarishlarga olib keladi.

Jigar hujayralari va suyaklarda topiladigan ferment. Jigar shikastlanganda, fosfataza qon oqimiga chiqadi hamda sariqlik yoki og'riq kabi xarakterli belgilar paydo bo'lishidan oldin ham jigar disfunksiyasining belgisi bo'lib xizmat qiladi. Shuningdek, ferment darajasi osteoporoz tashxisi uchun muhim.

O't pigmenti bilirubinning toksik fraksiyalaridan biri bo'lib, u qizil qon hujayralarining parchalanish natijasida hosil bo'ladi va jigar tomonidan zararsizlantiriladi. Qondagi tarkibini o'lchash orqali jigar holatini baholash, organ faoliyatidagi muammolarni va qizil qon tanachalarining parchalanishini (gemoliz) aniqlash mumkin.

Elektrolitlar organizmdagi suv miqdorini va kislota-ishqor muvozanatini saqlaydi. O'z navbatida, elektrolitlar balansi buyraklar, buyrak usti bezlari va gipofiz bezi tomonidan tartibga solinadi. Qondagi kaliy, natriy va xloridlar miqdorining o'zgarishi ushbu organlarning disfunksiyasining tabiati va darajasini baholash uchun ishlatilishi mumkin.

D vitamini — organizmda suyaklar salomatligi uchun zarur bo‘lgan kalsiy va fosforni o‘zlashtirish uchun javobgar. “Quyosh vitamini" shuningdek, infeksiyalarga qarshi kurashishga va sog‘lom vaznni saqlashga yordam beradi. D vitamini yetishmasligi osteoporoz, tez-tez shamollash va yuqori qon bosimiga olib kelishi mumkin.

Ferritin — organizmdagi temir zaxiralarining ko‘rsatkichi. Tekshiruv ushbu mikroelementning mavjud zaxiralarini baholashga, temir tanqisligi kamqonligini tashxislashga yoki uni davolashni kuzatishga yordam beradi.

Umumiy qon tahlili (UQT) — bu qator ko‘rsatkichlarni o‘z ichiga olgan universal tibbiy tadqiqot bo‘lib, u salomatlikning umumiy holatini baholash, immunitetni tekshirish, yallig‘lanishni va uning tabiatini aniqlash, shuningdek, allergiya va onkologik kasalliklarni topish imkonini beradi.

Tireotrop gormon (TTG) - qalqonsimon bez gormonlarini ishlab chiqarishni tartibga soluvchi gipofiz gormoni. TTG tahlili qalqonsimon bezning holatini baholashga va uning kasalliklarini davolashni nazorat qilishga yordam beradi.

Triyodotironin (T3) - qalqonsimon bez gormonlaridan biri. Erkin T3 tekshiruvi qondagi ushbu gormonning biologik faol fraksiyasi darajasini koʻrsatadi. Bu qalqonsimon bez kasalliklarini erta bosqichda aniqlashga va ularni davolash samaradorligini baholashga yordam beradi.

Tiroksin (T4) - qalqonsimon bez gormonlaridan biri. Erkin T4 tekshiruvi qondagi ushbu gormonning biologik faol fraksiyasi darajasini koʻrsatadi va qalqonsimon bez kasalliklarini kuzatish va ayollarning bepushtlik sabablarini aniqlash uchun ishlatiladi.