Щитовидка и глюкоза (ТТГ и глюкоза) в Ташкенте

Har qanday jins va yoshdagi bemorlar uchun muntazam profilaktik tekshiruv doirasida har yili bir marotaba ushbu kompleks tekshiruvdan oʼtish tavsiya etiladi. Kompleks, ayniqsa, koronavirus infeksiyasiga chalingan (hatto yengil shaklda bo‘lsa ham) yoki surunkali kasalliklarga chalinganlar, shuningdek, 45 yoshdan oshgan odamlar uchun foydali bo‘ladi. Bundan tashqari, shifokor quyidagi holatlarda tekshiruvdan tekshiruvdan o'tishni tavsiya qilishi mumkin: kamharakat turmush tarzi va ortiqcha vazn boʼlganda; qalqonsimon bez kasalliklari belgilari boʼlganda; ratsionda yod tanqisligi bo'lsa; bo'qoq boʼyicha endemik hududlarda yashaganda – bunday hududlarga mamlakatdagi qirg'oqbo'yi mintaqalaridan tashqari barcha hududlar kiradi; diabet yoki diabetga gumon mavjud boʼlganda.

Qalqonsimon bez – moddalar almashinuvini "dirijerday boshqaruvchi" kichik organ: gormonlar yordamida u tana haroratini, asab impulslarini, yurak urishini va boshqa jarayonlarni tartibga soladi. Qalqonsimon bez kasalliklari asta-sekin rivojlanadi va ko'pincha sezilmaydi - ularning alomatlari uyqusizlik yoki surunkali zoʼriqish bilan bog'liq bo'lishi mumkin. Davolashsiz bunday kasalliklar boshqa tana tizimlarining faoliyatiga ta'sir qilishi va yurak, qon tomir hamda oshqozon-ichak aʼzolarida ortga qaytarib boʼlmas o'zgarishlarga olib kelishi mumkin. TTG sinovi qalqonsimon bezning holatini tekshirishga yordam beradi. Qandli diabet - surunkali kasallik bo'lib, unda oshqozon osti bezi yetarli miqdorda insulin ishlab chiqarmaydi yoki insulin ishlab chiqarish miqdori meʼyorda, lekin tana hujayralari bunga javob bermaydi. Glyukoza darajasini monitoring qilish qandli diabet va prediabetni tashxislash, ushbu kasalliklarga chalingan bemorlarning holatini kuzatish va davolash samaradorligini nazorat qilish imkonini beradi.